Mae gan nofio a gweithgareddau diogelwch dŵr rôl unigryw yn y cwricwlwm addysg gorfforol - mae'n sgil bywyd ac yn sgil achub bywyd.

Mae nofio hefyd yn ffurf effeithiol iawn o ymarfer corff a gall chwarae rhan bwysig iawn mewn sefydlu a chynnal ffordd o fyw iach. Mae manteision ehangach i ddysgu diogelwch dŵr, codi ymwybyddiaeth o risgiau a helpu plant i gydnabod peryglon posibl wrth chwarae ger neu mewn dŵr agored.